Сесія, туды яе ў качэлю! Ну каму яны патрэбны, гэтыя пяць экзаменаў? Хіба ж мы разумнейшыя станем ад таго, што зноў нешта зпішам, падглядзім ды загаворым языкі выкладчыкам?
Падабаецца мне беларуская літаратура, менш за сярэдневяковую зарубежную, але ўсё ж такі падабаецца! Ды толькі перад самым экзаменам ўжо дурна ад яе, ужо адна нянавісць да Міцкевіча засталася разам з выкладчыцай Багдановіч, якая склала па ім 11 пытанняў. Спытала б ужо лепш пра ўрачыстыя словы Кірылы Тураўскага, яны мне больш спадабаліся. Можа, гэта недзе глыбока варушыцца лінгвістычны інтарэс да старабеларускай мовы?